ممبئی ( این این آئی) سابق بھارتی کرکٹر وریندر سہواگ نے بنگلادیش کے خلاف بھارتی ٹیم کی کارکردگی پر طنز کیا ہے۔سماجی رابطے کی ویب سائٹ ٹوئٹر پر جاری کیے گئے۔

اپنے پیغام میں وریندر سہواگ نے بھارتی ٹیم پر طنز کرتے ہوئے کہا کہ کرپٹو سے بھی تیز گر رہی ہے اپنی کارکردگی یار۔وریندر سہواگ نے بھارتی ٹیم پر طنز کرتے ہوئے مشورہ بھی دیا۔بنگلادیش کے خلاف مسلسل دوسری شکست پر وریندر سہواگ نے کہا کہ کارکردگی بہتر کرنے کی ضرورت ہے۔ واضح رہے کہ بدھ کے روز کھیلے گئے دوسرے ون ڈے میچ میں بنگلادیش نے بھارت کو شکست دے کر 3 میچوں کی سیریز میں دو صفر کی فیصلہ کن برتری حاصل کر لی ہے۔بنگلادیش نے دوسرے ایک روزہ میچ میں بھارت کو 5 رنز سے شکست دی تھی۔میرپور میں کھیلے گئے میچ میں بنگلادیش نے پہلے بیٹنگ کرتے ہوئے مقررہ 50اوورز میں 7وکٹ پر 271رنز بنائے اور بھارت کے لیے 272 رنز کا ہدف سیٹ کیا تھا۔بھارتی ٹیم مقررہ اوورز میں 9وکٹ پر 266رنز بنا سکی تھی۔