لاہور( این این آئی)وفاقی وزیر سردار ایاز صادق نے دعویٰ کیا ہے کہ نئے سال کے آغاز میں پارٹی قائد ،سابق وزیراعظم نواز شریف پاکستان واپس آرہے ہیں۔نجی ٹی وی سے گفتگو میں انہوں نے کہا کہ عام انتخابات 2023 میں ہوں گے، پارٹی امیدواروں کو نواز شریف ہی ٹکٹ جاری کریں گے،اگست 2023 میں حکومتی مدت پوری ہورہی ہے جس کے بعد ہی انتخابات ہوں گے۔انہوںنے کہا کہ مارچ تا جون 2023 میں اسمبلیوں کا تحلیل ہونا نظر آرہا ہے، اگر مارچ میں اسمبلی تحلیل ہوئی تو پھر رمضان اور بجٹ اس دوران آئے گا۔