لاہور(آئی این پی) پنجاب بھر میں دھند کی شدت میں اضافے نے ٹریفک کی روانی کو شدید متاثر کیا جس کے باعث موٹر وے کو کئی مقامات سے بند کر دیا گیا۔

ترجمان موٹر وے پولیس کے مطابق موٹر وے ایم 2لاہور سے شیخوپورہ تک شدید دھند کی وجہ سے بند کی گئی ۔ لاہور ملتان موٹر وے ایم 3کو فیض پور سے رجانہ تک، لاہور سیالکوٹ موٹر وے بھی دھند کی وجہ سے بند کی گئی ۔ترجمان موٹر وے پولیس نے مزید بتایا کہ موٹر وے ایم 1کو پشاور ٹول پلازہ سے برہان تک اور سوات ایکپریس وے کرنل شیر خان سے اسماعیلہ تک بند رہی ۔ٹریفک پولیس کی جانب سے عوام سے اپیل کرتے ہوئے کہا گیا ہے کہ ڈرائیورز فوگ لائٹس کا استعمال کریں اور غیر ضروری ڈرائیونگ سے گریز کریں۔ جبکہ کسی بھی معلومات اور مدد کی صورت میں موٹر وے پولیس کے ہیلپ لائن نمبر 130 پر رابطہ کریں۔ترجمان موٹروے پولیس کا کہنا ہے کہ روڈ یوزرز آگے اور پیچھے دھند والی لائٹس کا استعمال کریں۔ تیز رفتاری سے پرہیز کریں اور اگلی گاڑی سے مناسب فاصلہ رکھیں۔ موٹروے پولیس ہمسفر ایپ سے بھی معلومات لی جاسکتی ہیں۔