لاہور ( این این آئی) پاکستان تحریک انصاف کے چیئرمین و سابق وزیر اعظم عمران خان نے اپنے ٹوئٹ میں قائداعظم کے خطاب کی غلط تاریخ شیئر کردی۔عمران خان نے گزشتہ روز جنرل ساحر شمشاد مرزا اور جنرل سید عاصم منیر کو چیئرمین جوائنٹ چیفس آف اسٹاف کمیٹی اور چیف آف آرمی اسٹاف کا منصب سنبھالنے پر مبارک باد پیش کرتے ہوئے ٹوئٹ کی۔انہوں نے اس ٹوئٹ میں قائدا عظم محمد علی جناح کے آرمی اسٹاف کالج کوئٹہ سے خطاب کی غلط تاریخ شیئر کردی۔قائداعظم محمد علی جناح نے 14جون 1948ء کو آرمی اسٹاف کالج کوئٹہ میں خطاب کیا تھا لیکن عمران خان نے اس میں 14اگست 1947ء لکھ دیا۔