مسجد نبوی میں باران رحمت نے زائرین کے سر نم کردیئے۔مسجد نبوی کے امور کی ایجنسی نے مدینہ میں بارش کی صورتحال کے ساتھ مل کر اپنی تیاریوں میں اضافہ کر دیا
مدینہ منورہ(این این آئی)مدینہ منورہ میں ہونے والی باران رحمت نے مسجد نبوی میں حاضری دینے والے زائرین کے سروں کو بھگو دیا۔ زائرین مدینہ میں بارش کے موسم سے بھرپور انداز میں لطف اندوز ہوئے۔نمازیوں اور زائرین نے بارش میں کھڑے ہو کر دعائیں مانگیں اور باران رحمت کے نزول پر اللہ کا شکر ادا کیا۔گذشتہ روز اطمینان سے بھری ٹھنڈی ہوائیں بابرکت شہری حرم میں اڑ رہی تھیں جب کہ زائرین بارش میں دعائیں مانگ رہے تھے۔امارات المدینہ المنورہ ریجن میں بارش سے لطف اندوز ہونے کے لیے مسجد نبوی ۖ کے زائرین کے لیے دلکش مناظر کی تصاویر نشر کیں۔جبکہ مسجد نبوی کے امور کی ایجنسی نے مدینہ میں بارش کی صورتحال کے ساتھ مل کر اپنی تیاریوں میں اضافہ کر دیا۔سکیورٹی، سیفٹی، ایمرجنسی رسپانس اور رسک کی معاون ایجنسی بارشوں کے دوران کیے گئے پلان پر عمل کرنے اور موسم کی مسلسل پیروی کے لیے فیلڈ ٹرپ کے ذریعے اپنی کوششیں تیز کر رہی ہے۔
