کراچی(نیوزڈیسک)سندھ پولیس نے کراچی آپریشن کی تازہ رپورٹ جاری کردی ہے۔5ستمبر 2013سے یکم ستمبر2015 تک آپریشن کے دوران ایک ہزار 171ملزمان مارے گئے اور64ہزار سے زائد ملزمان کوگرفتار کیا گیا۔پولیس رپورٹ میں بتایا گیا ہے کہ 5ستمبر 2013سے یکم ستمبر 2015تک مارے گئے ملزمان میں841ڈاکو ،282دہشت گرد،38اغوا کار اور 10بھتا خور شامل ہیں۔آپریشن کے دوران 64 ہزار 493ملزمان کو گرفتار کیا گیا۔ ان میں ایک ہزار 798قتل کے ملزم ،803 مبینہ دہشت گرد،121اغواکار بھی شامل ہیں۔ کراچی آپریشن کے دوسال کے دوران ملزمان سے مختلف اقسام کے 15 ہزار 475 ہتھیار، 575کلو بارودی مواد اور 17خودکش جیکٹیں بھی برآمد کی گئیں۔پولیس رپورٹ کے مطابق آپریشن کے دوران 250پولیس افسران اور اہل کار شہید ہوچکے ہیں