اسلام آباد (این این آئی)پاکستان تحریک انصاف کے سینیٹر فیصل جاوید خان نے کہا ہے کہ اسمبلیاں ٹوٹتے ہی ایک درجن سے زائد جماعتوں کا اتحاد بھی ٹوٹ جائے گا۔فیصل جاوید نے سماجی رابطوں کی ویب سائٹ ٹوئٹر پر اپنے ٹوئٹ میں آزاد کشمیر میں بلدیاتی انتخابات میں کامیابی پر تحریک انصاف کو مبارکباد اور کشمیریوں کو خراج تحسین پیش کیا۔فیصل جاوید نے اپنے ٹوئٹ میں کہا کہ اسمبلیاں ٹوٹ جائیں گی تو اس حکومت کا دل بھی ٹوٹ جائے گا اور اس کے ساتھ ہی ایک درجن سے زائد جماعتوں کا اتحاد بھی ٹوٹ جائے گا۔پی ٹی آئی سینیٹر نے کہا کہ حقیقی آزادی کی منزل قریب اور ایک نیا اجالا آنے والا ہے،عوام تیار ہو جائیں کہ فریش مینڈیٹ کا وقت آنے والا ہے۔