راولپنڈی (این این آئی)ڈپٹی کمشنر راولپنڈی نے کہا ہے کہ پاکستان تحریک انصاف کے لانگ مارچ کے دوران عمران خان کا ہیلی کاپٹر بارانی یونیورسٹی میں اتارا جائے گا۔میڈیا رپورٹ کے مطابق پاکستان تحریک انصاف کے لانگ مارچ کے دوران عمران خان کا ہیلی کاپٹر بارانی یونیورسٹی میں اتارا جائے گا۔ ادھر میٹرو بس انتظامیہ کے مطابق ہفتہ کو راولپنڈی اسلام آباد میں میٹرو بس سروس نہیں چلے گی۔واضح رہے کہ پی ٹی آئی نے تیسری مرتبہ فیض آباد سے اسٹیج کی منتقلی شروع کر دی، اسٹیج کے کنٹینر کو ہٹانے اور لائٹیں اتارنے کا آغاز کر دیا گیا۔منتظمین کا کہنا ہے کہ اسٹیج اور دیگر سامان رحمان آباد کے قریب منتقل کررہے ہیں۔