لاہور( این این آئی)سینئر کامیڈین اداکار افتخار ٹھاکر نے کہا ہے کہ ساری دنیا مجھے مارنا چاہے اور اللہ نہ چاہے تو کوئی میرا بال بھی بیکا نہیں کر سکتا ،مجھے کبھی خوف نہیں آیا کیونکہ میرا خدا کی قدرت پر یقین رکھتا ہوں، میرا ایک ہی بیٹا ہے اور میری خواہش ہے وہ پاک فوج میں جائے اور وطن پر قربان ہو ۔ ایک انٹر ویو میں افتخار ٹھاکر نے کہا کہ میں واضح کر چکا ہوں میں بچوں پر اپنی مرضی مسلط نہیں کروں گا وہ جس شعبے میں جانا چاہیں ان کی مرضی ہے ۔اداکار نے بتایا کہ میں بھی پاک فوج میں بھرتی ہونے کے لئے گیا تھا لیکن مجھے واپس بھجو ادیا گیا جبکہ میرا بھائی آرمی میں ہے ۔