راولپنڈی(آن لائن) راولپنڈی کے علاقے ڈبل روڈ پر پی ٹی آئی مظاہرین کا حکومت مخالف احتجاج کے دوران نجی ٹی وی چینل (ایکسپریس نیوز) کی ٹیم پر دھاوا بول دیا، مظاہرین کوریج میں مصروف ٹی وی چینل کی ٹیم کو فوری طور پر مظاہرے کی جگہ چھوڑنے کا حکم دیتے رہے جبکہ پی ٹی آئی راولپنڈی کی قیادت مظاہرین کو نجی ٹی وی چینل کی ٹیم پر حملہ کیلئے اکساتی رہی۔ احتجاج کے دوران مظاہرین نے نجی ٹی وی چینل کی ٹیم کو مظاہرے کی کوریج سے روک دیا جبکہ پی ٹی آئی کی خاتون رکن سماویا طاہر بھی کارکنوں کو نجی ٹی وی چینل کی ٹیم پر حملے کیلئے اکساتی رہی۔