صوابی(این این آئی)جمعیت علماء اسلام (ف) کے منحرف رہنما مولانا گل نصیب خان نے پی ٹی آئی کے لانگ مارچ کی حمایت کا اعلان کردیا۔پاکستان تحریک انصاف کے رہنما اسد قیصر کے ہمراہ میڈیا سے گفتگو کرتے ہوئے مولانا گل نصیب خان نے کہا کہ پی ٹی آئی و اتحادی جماعتوں کا لانگ مارچ شروع ہے، لانگ مارچ کی حمایت کا اعلان کرتے ہوئے ساتھ کھڑے ہیں۔مولانا گل نصیب خان نے کہا کہ خیبر پختونخوا سے مارچ روانہ ہونے پر ہم ساتھ ہوں گے۔انہوں نے کہا کہ پی ڈی ایم غیر مقبول ہے، حکومت میں رہنے کا کوئی جواز نہیں، پی ڈی ایم میں شامل جماعتوں کا ایک دوسرے پر اعتماد نہیں ہے۔

موضوعات:مولانا گل نصیب خان