لندن (مانیٹرنگ ڈیسک) عمران خان کے قتل کی منصوبہ بندی کرنے پر نواز شریف، رانا ثناء اللہ اور مریم نواز کے خلاف لندن میں درخواست دے دی گئی، عمران خان پر حملے کے خلاف لندن میٹرو پولیٹن پولیس کو شکایت درج کرائی گئی ہے، اوورسیز پاکستانی طارق نے درخواست جمع کرائی،
طارق نے گفتگو کرتے ہوئے کہا کہ جمعہ کو چیئرنگ کراس پولیس سٹیشن میں چھ بجے گئے ہیں اور وہاں ہماری چھ بجے تک میٹنگ رہی ہے، ہم نے قتل کے منصوبے کا پرچہ کٹوایا ہے میاں محمد نواز شریف کے خلاف، ہم نے انہیں بتایا ہے کہ نواز شریف اس منصوبے کے ماسٹر مائنڈ ہیں، جب رانا ثناء اللہ انگلینڈ آئے تھے تو اس وقت انہوں نے پلاننگ کی تھی اس میں مریم نواز بھی شامل ہیں، رانا ثناء اللہ نے پاکستان جا کر یہ کام کیا ہے، ان تینوں کے علاوہ چند نام اور ہیں جو ہم نے دیے ہیں، اس کے علاوہ کرائم ریفرنس نمبر دیا ہے، بہت ویڈیو فوٹیجز دی ہیں اس کے علاوہ ڈاکومنٹری شواہد دیے ہیں، اوورسیز پاکستانیز کے وکیل مہتاب عزیز نے کہا کہ ہمارا موقف یہ ہے کہ یہ منصوبہ لندن میں میٹنگ میں تیارکیا گیا، پولیس اس کی تفتیش کرے گی، ہمارے پاس ایک گواہ موجود ہے جو اس میٹنگ میں موجود تھے وہ آگے آنے کے لئے تیار ہیں۔ اوورسیز پاکستانی طارق اور ان کے وکیل مہتاب عزیز کی میڈیا سے ہونے والی گفتگو اے آر وائی نیوز نے جاری کی ہے۔
