لاہور (مانیٹرنگ، آن لائن) پاکستان تحریک انصاف کے رکن صوبائی اسمبلی خرم لغاری نے پارٹی چھوڑ نے کا اعلان کیا تھا لیکن اب سوشل میڈیا پر ویڈیو وائرل ہے جس میں وہ کہہ رہے ہیں کہ میرا قافلہ عمران خان کے لانگ مارچ میں شرکت کے لئے رواں دواں ہے، انہوں نے کہا کہ مونس الٰہی کی قیادت میں لانگ مارچ میں شرکت کے لئے جا رہا ہوں، انہوں نے کہا کہ عمران خان اور پرویز الٰہی کے ساتھ کھڑے ہیں اور کھڑے رہیں گے، انہوں نے عوام سے اپیل کی کہ ملک کو دیوالیہ ہونے سے بچانے کے لئے عمران خان کے لانگ مارچ میں شریک ہوں۔