لاہور (آن لائن) مقامی عدالت نے بینک سے قرض لیکر واپس نہ کرنے کے مقدمے میں ملوث اینکر پرسن چودھری غلام حسین کو جیل بھجوا دیا ہے۔ بتایا گیا ہے کہ ایف آئی اے نے چودھری غلام حسین کو گزشتہ روز عدالت میں پیش کیا اور عدالت سے ملزم کے 14 روزہ جسمانی ریمانڈ کی استدعا کی جسے عدالت نے مسترد کرتے ہوئے ملزم چودھری غلام حسین کو جیل بھجوانے کا حکم جاری کیا۔ ایف آئی اے کے مطابق ملزم پر جعلی دستاویزات کے ذریعے قرض لیکر واپس نہ کرنے کا الزام عائد ہے جبکہ ملزم کے خلاف ایف آئی اے نے 2011ء میں مقدمہ درج کیا تھا۔