اسلام آباد (این این آئی)الیکشن کمیشن کی جانب سے عمران خان کی نااہلی کے بعد پی ٹی آئی رہنما صحافیوں کے سوالات کے جواب دیے بغیر چلے گئے۔صحافی نے اسد عمر سے سوال کیا کہ پی ٹی آئی کے اندرجو لوگ نااہلی چاہتے تھے کیا وہ خوش ہیں؟ اس پر اسد عمر نے کوئی جواب نہیں دیا۔شیریں مزاری سے سوال کیا گیا کہ پی ٹی آئی کے اندر نا اہلی کا خواہش مند گروپ کیا خوش ہے؟ صحافی کے سوال پر شیریں مزاری بھی جواب دیے بغیر چلی گئیں۔ایک اور صحافی نے سابق وزیر سے پوچھا کہ کیا ڈیل ناکام ہوگئی؟ شیریں مزاری نے اس سوال کا بھی کوئی جواب نہیں دیا۔صحافی نے سوال کیا کہ پی ٹی آئی کا وزیراعظم کا اگلا امیدوار کون ہوگا؟ اس پر فواد چوہدری نے کہا کہ انشا اللہ عمران خان ہی اگلے امیدوار ہوں گے۔صحافی نے پوچھا کہ پی ٹی آئی کے اندر جو گروپ نااہلی چاہتے تھے وہ خوش ہیں؟ فواد چوہدری نے کہا کہ ایسا نہیں ہے۔