لاہور( این این آئی)دوا بنانے والی ملٹی نیشنل کمپنی کی پاکستانی شاخ نے بخار کی گولی اور شربت بنانا بند کر دیا۔ اس حوالے سے دوا ساز ملٹی نیشنل کمپنی کی پاکستان شاخ نے وزیراعظم کے پرنسپل سیکرٹری کو خط تحریر کیا ہے جس میں اس کا کہناہے کہ کئی ماہ سے نقصان اٹھا کر بخار کی گولی بنا رہے تھے جو اب ممکن نہیں۔دواساز کمپنی کے جنرل منیجر فرحان ہارون کے مطابق موجودہ قیمت پر بخار کی گولی اور شربت بنانا ممکن نہیں۔دوا ساز کمپنی کا کہنا ہے کہ حکومت قیمت میں اضافہ منظور کرے تو دوا دوبارہ بنانا شروع کردیں گے۔