اسلام آباد(مانیٹرنگ ڈیسک/آن لائن)وزیراعظم شہباز شریف نے پاکستان کے ایف اے ٹی ایف کی گرے لسٹ سے نکلنے پر آرمی چیف جنرل قمر جاوید باجوہ اور بلاول بھٹو زرداری کے کردار کی تعریف کر دی ۔ وزیراعظم نے کہا ہے کہ گرے لسٹ سے نام نکلنے پر آرمی چیف اور ان کی ٹیم کا کردار قابل تعریف ہے۔دوسری جانب پاکستان کو ایف اے ٹی ایف کی گرے لسٹ سے نکال دیا گیا ۔

ایف اے ٹی ایف کی کامیابی کا سہرا سپہ سالار جنرل قمر جاوید باجوہ کے نام ہے ۔ ذرائع کے مطابق پاکستان نے بین الاقوامی سٹریٹیجی بیسڈ رسک کی پاسداری کی روایت برقرار رکھی۔ ایف اے ٹی ایف میں دیئے گئے تمام اہداف وقت سے پہلے مکمل کرلئے گئے پاکستان نے تمام نکات پر عمل درآمدکرکے ایک ذمہ دار ریاست کا ثبوت دیا۔پاکستان فوج کے سربراہ نے اس میں بھی کلیدی کردار ادا کیا اور قومی اداروں کے ساتھ مل کر تمام نکات پر عملدرآمد یقینی بنایا۔ ہندوستان کی کوشش تھی کہ پاکستان کو ہر حال میں بلیک لسٹ کر دیا جائے لیکن پاک فوج نے اس سازش کو بھی ناکام بنایا. تمام پوائنٹ پر عمل درآمد کو یقینی بناتے ہوئے پاکستان کو گرے لسٹ سے وائٹ لسٹ کی طرف گامزن کیا۔ اس حوالے سے چیف آف آرمی سٹاف جنرل قمر جاوید باجوہ کے احکامات پر جی ایچ کیو میں پاکستان آرمی میں ایک میجر جنرل کی سربراہی میں اسپیشل سیل قائم کیا گیا۔اس سیل نے مختلف محکموں، وزارتوں اور ایجنسیز کے درمیان کوارڈینیشن میکنزم بنایا اور پھر ہر پوائنٹ پر ایک مکمل ایکشن پلان بنایا اور اس پر ان تمام محکموں، وزارتوں اور ایجنسیز سے عمل درآمد بھی کروایا۔ س سیل نے دن رات کام کرکے منی لانڈرنگ، ٹیرر فائننسنگ، بھتہ خوری، اغوائ￿ برائے تاوان اور ٹارگٹ کلنگ پر ایک مؤثر لائحہ عمل سے قابو پایا گیا۔جس کی وجہ سے ایف اے ٹی ایف میں کامیابی حاصل ہوئی۔ اس ضمن میں ایف اے ٹی ایف ایکشن پلان میں پیش رفت ہوئی اور تمام نکات پر عمل درآمد کیا گیا۔ دہشتگردوں کی مالی معاونت کے ضمن میں تمام پوائنٹس پر عمل درآمد مکمل ہو چکا ہے۔ منی لانڈرنگ کے سدِ باب کیلئے 7 میں سے7پوائنٹس پر عمل درآمد ہوا

جو کہ ایف اے ٹی ایف کی تاریخ میں بے مثال پیش رفت ہے۔ پاکستان کو 2018 میں 27 نکاتی ایکشن پلان دیا گیا تھا جس کا بنیادی مقصد دہشت گردی کی مالی معاونت TF کو روکنا تھا۔ – جون 2022میں پاکستان کے 27ایکشن آئٹمز میں سے 27 نکات مکمل کر لیے تھے۔ آخری ایکشن پلان بھی جون 2022 میں مکمل کرلیا۔ پاکستان کو جون 2021?میں ایف اے ٹی ایف کی طرف سے ایک اور ایکشن پلان دیا گیا۔

جس کابنیادی مقصد منی لانڈرنگ روکنا تھا۔اس ایکشن پلان کے 7 نکات تھے اور 7کے 7مکمل ہوئے۔ دونوں ایکشن پلانز 34 نکات پر مشتمل تھے۔ اینٹی منی لانڈرنگ(AML)اورکاونٹر ٹریرسٹ فائناسنگ(CFT) پر مبنی اس ایکشن پلان کو4 سال کی مسلسل کوششوں کے بعدمکمل کرلیا گیا ہے۔

پاکستان نے اپنا 2021 کا ایکشن پلان ایف اے ٹی ایف کی طرف سے مقرر کردہ ٹائم لائنز یعنی جنوری 2023 سے پہلے مکمل کر لیا۔ پاکستان نے ایف اے ٹی ایف کے خدشات کو دور کرنے کے لیے ایک جامع حکمت عملی اور ایک تفصیلی روڈ میپ تیار کیا۔ پاکستان نے ان خطرات کا مقابلہ کرنے کے لیے اپنے اینٹی منی لانڈرنگ( اے ایم ایل )اورکاونٹر ٹریرسٹ فائناسنگ(CFT) کے نظام کو مضبوط کیا جیسا کہ قومی رسک اسسمنٹ کے

دوران تصور کیا گیا تھا۔ پاکستان میں منی لانڈرنگ کے 800 سے زائد کیسز رپورٹ ہوئے جنکی گزشتہ 13 مہینوں کے دوران تحقیقات مکمل کی گئیں۔ پاکستان نے اس رپورٹنگ سائیکل میں ضبط کیے گئے اثاثوں کی تعداد اور مالیت میں خاطر خواہ اضافہ ظاہر کیا جس میں 58 ارب کے اثاثے ضبط کیے گئے 85فیصد اثاثوں کی مالیت میں اضافہ ہوا۔ ایف اے ٹی ایف نے نامزد افراد کی فہرست میں پاکستان کی پیشرفت کو سراہا

جبکہ اقوام متحدہ سیکورٹی کونسل نے ان افراد سے متعلق UNSC1267 کی فہرست سازی کی تجویز کو قبول کیا۔ پاکستان نے غیر رسمی /باضابطہ قانونی معاونت کرتے ہوئے اسٹینڈ ایلون(2020 (MLA Act کونافذ کیا اور 26,630 بین الاقوامی درخواستوں پر کارروائی کی گئی۔ ایف بی آر نے رئیل اسٹیٹ ایجنٹس اور جیولرز کی طرف سے AML/CFT کی تعمیل کی نگرانی کے حوالے سے

غیر مالیاتی کاروبارکے لئے (DNFBP) ڈائریکٹوریٹ قائم کیا۔ ایف بی آر نے بڑے پیمانے پر22000 سے زائد غیر تعمیل شدہ DNFBPs پر 351 ملین کی تصدیق کرتے ہوئے روپے کے مالی جرمانے عائد کیے۔ ایف بی آر ے 1,700 سے زائد DNFBPs کی آف سائٹ نگرانی مکمل کر لی ہے، اورساتھ ہی ساتھ رئیل اسٹیٹ سیکٹر کو تعمیل کے دائرے میں شامل کیا۔

سیکیورٹیز اینڈ ایکسچینج کمیشن آف پاکستان ( ایس ای سی پی ) نے اپنا نفاذ مکمل کرلیا ہے جس کے تحت 146,697 لیگل پرسن/ لیگل انتظامات کئے ہیں اور2,388 ملین روپے کے جرمانے عائد کیے۔ منی لانڈرنگ (ML) کی تحقیقا ت میں گزشتہ سال کے دوران 123%فیصداضافہ ہوا۔ فاقی اور صوبائی حکام کی جانب سے دہشت گردی کی مالی معاونت (TF) اور ٹارگٹڈ فنانشل سینکشنز (TFS) کے لئے جامع لائحہ عمل دیا۔

I would particularly commend the role & efforts of Foreign Minister Bilawal Bhutto, Army Chief General Qamar Javed Bajwa and their teams & all political parties for putting up a united front to get Pakistan out of the grey list. Alhumdulillah! https://t.co/LkX5tupMQe

— Shehbaz Sharif (@CMShehbaz) October 21, 2022