ا سلام آباد (این این آئی)سابق سیکرٹری الیکشن کمیشن کنور دلشاد نے توشہ خانہ ریفرنس سے متعلق کہا ہے کہ عمران خان قصور وار پائے گئے تو الیکشن کمیشن انہیں نااہل قرار دے سکتا ہے۔نجی ٹی وی سے گفتگو کرتے ہوئے کنور دلشاد نے کہا کہ عمران خان کے خلاف ریفرنس اسپیکر کی جانب سے بھیجا گیا تھا۔کنور دلشاد نے کہا کہ الیکشن کمیشن اگر عمران خان کو قصور وار پائے تو انہیں آرٹیکل 63 کی ذیلی شق 1 (3) کے تحت نااہل قرار دے سکتا ہے۔انہوں نے کہا کہ الیکشن کمیشن 2017 کرپٹ پریکٹسز کیس کے تحت عمران خان کے خلاف ریفرنس سیشن کورٹ بھی بھیج سکتا ہے۔کنور دلشاد نے کہا کہ سیشن کورٹ اس کیس کی سماعت کے بعد عمران خان کو 3 سال تک قید کی سزا دے سکتی ہے۔