اسلام آباد (آن لائن)وزیراعظم ہاؤس میں فون ٹیپ کرنے اور وڈیو لیک کی تفتیش میں اہم پیش رفت ہوئی ہے اور انٹیلی جنس ادارے نے دو افراد کو گرفتار کر لیا ہے، ایک گرفتار شخص کا تعلق راولپنڈی کے تعلیمی ادارے سے جبکہ دوسرا وسطی پنجاب سے ہے، دونوں گرفتار ہیکرز کو نامعلوم مقام پر منتقل کر دیا گیا ہے۔ حکومتی ذرائع کے مطابق دونوں افراد کو قومی سلامتی کے ادارے کے حوالے کردیا گیا جہاں ان سے مزید تفتیش جاری ہے، دونوں افراد سے ان کے ہینڈلرز بارے بھی معلومات حاصل کی جا رہی ہیں، ذرائع کے مطابق دونوں افراد وزیراعظم ہاؤس کی سیکیورٹی پر تعینات سٹاف سے رابطے میں تھے۔ سیکیورٹی پر تعنیات ملوث عملے کی بھی جلد گرفتاری کا امکان ہے۔