اسلام آباد( آن لائن )وفاقی وزیرِ داخلہ رانا ثناء اللہ کو گرفتار کرنے کے لیے آنے والی اینٹی کرپشن کی ٹیم تھانہ سیکرٹریٹ سے واپس روانہ ہو گئی۔

اسلام آباد میں پنجاب اینٹی کرپشن کے ڈائریکٹر سید انور علی شاہ نے میڈیا سے گفتگو کرتے ہوئے کہا کہ ہمارے اسٹاف کو تھانے سے باہر نکال دیا گیا اور ناروا سلوک اپنایا گیا، اب کورٹ کو آج کی کارروائی سے متعلق آگاہ کریں گے۔سید انور علی شاہ کا کہنا ہے کہ اس کے مطابق اگلا لائحہ عمل طے کیا جائے گا

جبکہ دوسری جانب ایس ایچ او تھانہ سیکرٹریٹ نے اینٹی کرپشن افسران کو بتلایا کہ قومی اسمبلی سپیکر کی طرف سے وفاقی وزیر داخلہ رانا ثناء اللہ صاحب کی

گرفتاری کا اجازت نامہ کا ہونا ضروری ہے جس کے بعد اینٹی کرپشن ٹیم واپس روانہ ہو گئی ،اینٹی کرپشن ٹیم ڈائریکٹر انور شاہ سرکاری گاڑیوں میں ہمراہ 6 اہلکاروں کے

تھانہ سیکرٹریٹ وفاقی وزیر داخلہ رانا ثناء اللہ کی گرفتاری کے لیے آئے تھے لیکن انہیں مایوس لوٹنا پڑا ۔