فیصل آباد (این این آئی)پاکستان تحریک انصاف کے رہنما شہباز گل نے کہا ہے کہ پارٹی چیئرمین عمران خان نے اپنی حکمت عملی سامنے رکھی تو حکومت کو لگ پتا جائے گا۔کارکنوں سے خطاب میں کہا کہ وزیر اعظم شہباز شریف کی ستائیس کلومیٹر پر حکومت ہے، ان کی آواز میں، آنکھوں میں اور چہرے پر ڈر نمایاں ہے، یہ اپنی تیاری کرلیں۔رہنما پی ٹی آئی نے کہا کہ وزیر داخلہ رانا ثنا اللہ کے وارنٹ نکلے ہوئے ہیں، اگر یہ گرفتار ہوئے تو ان پر کوئی سیاسی کیس نہیں بنے گا۔انہوں نے کہا کہ میری اوقات کم ہو یا زیادہ عمران خان کے خلاف اپنا ضمیر نہیں بیچوں گا،جس دن الیکشن ہوئے عمران خان دو تہائی اکثریت سے جیت کر آئیگا۔شہباز گل نے حکومت کو چیلنج کیا کہ اگر سیاست کرنی ہے تو عوام کے سامنے الیکشن کروا کر دکھائیں۔

موضوعات:شہباز گل