پشاور (مانیٹرنگ، این این آئی)سابق وزیراعظم و پاکستان تحریک انصاف کے چیئرمین عمران خان کے ہیلی کاپٹر کی ڈیرہ اسماعیل خان سے واپسی پر ہنگامی لینڈنگ ہوئی ہے۔ذرائع کے مطابق پائلٹ نے فنی خرابی پر ہیلی کاپٹر اڈیالہ گاؤں کے قریب اتار لیا۔ اس موقع پر یہاں کرکٹ کھیلتے نوجوانوں نے عمران خان کو گھیر لیا اور آٹو گراف بھی لئے، اس موقع پر عمران خان نے رضوان کے بارے میں سوال پوچھا تو نوجوانوں نے کہا کہ اچھا کرکٹر ہے لیکن بالیں بہت ضائع کرتا ہے، 45 پر 50 کرتا ہے، کسی نے کہا کہ وہ ٹیسٹ کے لئے اچھا ہے۔ اس موقع پر نوجوانوں عمران خان زندہ باد کے نعرے بھی لگائے۔

موضوعات:عمران خان