لاہور( این این آئی)پنجاب کے ضلع رحیم یارخان سے پولیس میں بھرتی خاتون کانسٹیبل خواجہ سرا ء نکل آئی،شناخت ظاہر ہونے پر پولیس ٹریننگ کالج لاہور میں کھلبلی مچ گئی۔خبر ملتے ہی سپرٹنڈنٹ ٹریننگ کالج نے ایڈیشنل آئی جی ٹریننگ کو مراسلہ لکھ دیا۔مراسلے میں لکھا گیا ہے کہ رحیم یار خان پولیس نے صبیحہ نامی خاتون کو کانسٹیبل کی حیثیت سے بھیجا، جبکہ دوران تربیت کانسٹیبل نے خواجہ سرا ء ہونے کا انکشاف کردیا۔مراسلے میں کہا گیا ہے کہ اہلکار کے خواجہ سرا ء ہونے بارے ٹریننگ کالج کو نہیں بتایا گیا، زیرتربیت خواتین اہلکارخواجہ سراء کے ساتھ رہنے کو تیارنہیں، معاملے کی نوعیت کے مطابق اقدامات کیے جائیں۔