کرائسٹ چرچ (این این آئی)سہ ملکی ٹی ٹوئنٹی سیریز کے دوسرے میچ میں بابر اعظم کی شاندار اننگز کے بدولت پاکستان نے نیوزی لینڈ کو 6وکٹوں سے شکست دیدی ، نیوزی لینڈ نے آٹھ وکٹوں کے نقصان پر مقررہ بیس اوورز میں 148رنز بنائے ،پاکستان نے چار وکٹوں کے نقصان پر19ویں اوور ہدف حاصل کرلیا ،کپتان بابر اعظم 11 چوکوں کی مدد سے 53 بالز پر 79رنز کی ناقابل شکست اننگز کھیلی ۔
مین آف دی میچ قرار پائے ۔ہفتہ کو سیریز کے دوسرے میچ میں نیوزی لینڈ کی ٹیم نے ٹاس جیت کر بیٹنگ کا فیصلہ کیا۔نیوزی لینڈ کی جانب سے فن ایلن اور ڈیون کونوے نے اننگز کا آغاز کیا ،پاکستان کو پہلا بریک تھرو محمد وسیم جونیئر نے تیسرے اوور میں فن ایلن کی صورت میں دیا جو محض 13رنز ہی بناسکے۔نیوزی لینڈ کے ڈیون کونوے 36، کپتان کین ولیمسن 31، گلین فلیپس 18، مارک چیپمین 32، جیمز نیشم 5، مائیکل بریس ویل صفر، ایش سوڈھی 2 رنز بناکر آئوٹ ہوئے۔نیوزی لینڈ کے ٹم ساتھی اور ٹرینٹ بولٹ بالترتیب 1 اور 2 رنز بناکر ناٹ آئوٹ رہے اور اس طرح میزبانی ٹیم نے 20 اوورز میں 8 کھلاڑی آؤٹ پر 147 رنز اسکور کیے۔پاکستان کی جانب سے فاسٹ بولر حارث رئوف نے شاندار بولنگ کا مظاہرہ کرتے ہوئے ایک ہی اوور میں تین کھلاڑیوں کو پویلین کی راہ دکھائی اور 4اوورز میں 28 رنز دئیے۔محمد وسیم جونیئر اور محمد نواز نے 2،2 کھلاڑیوں آئوٹ کیا ،شاہنواز دھانی ایک وکٹ لینے میں کامیاب ہوئے۔
ہدف کے تعاقب میں پاکستان کی پہلی وکٹ 36رنز کے مجموعی اسکور پر گری اور محمد رضوان 4 رنز بنا کر ٹم ساتھی کی گینڈ پر ایل بی ڈبلیو آئوٹ ہوئے جس کے بعد 5 اوور کی دوسری بال پر شان مسعود بغیر کھاتہ کھولے بلیئر ٹکنرز کی بال پر کیچ آئوٹ ہوئے۔پاکستانی ٹیم کا تیسرا نقصان شاداب خان کی وکٹ کی صورت میں ہوا جو 34 رنز بنا کر بلیئر ٹکنرز کا شکار بنے۔
اس کے بعد محمد نواز آئے اور انہوں نے 19بالز پر 16 رنز بنائے ، محمد نواز کو ٹرینٹ بولٹ نے پویلین کی راہ دکھائی ۔بیٹر حیدر علی نے 2گیندوں پر ایک چوکے اور ایک چھکے کی مدد سے 10رنز بنائے اور وننگ شاٹ کھیلا ۔میچ کے دور ان پاکستان کے کپتان اور بیٹر بابر اعظم نے 79رنز کی ناقابلِ شکست ذمہ دارانہ اننگز کھیلی اور ٹیم کی کامیابی میں اہم کر دار کیا جس پر انہیں مین آف دی میچ قرار دیا گیا ۔نیوزی لینڈ کی جانب سے بلیئر ٹکنرز نے دو ،ٹیم سوتھی اور ٹرنیٹ بولٹ نے ایک ایک کھلاڑی کو آئوٹ کیا ۔
