اسلام آباد (این این آئی)وزارت داخلہ نے ایف آئی اے کوعمران خان کیخلاف کیس درج کرنے کی اجازت دیدی، فیصلہ وزات داخلہ اور ایف آئی اے کے اعلی حکام کی میٹنگ میں کیا گیا۔ایف آئی اے کی تحقیقاتی ٹیم نے پاکستان تحریک انصاف کے 6 رہنماں کیخلاف ایف ائی آر درج کرنے کی سفارش کی،

جس میں کہا گیا کہ شواہد کی بنیاد پر تحریک انصاف چیئرمین عمران خان کیخلاف ایف ائی آر درج کرنے کی اجازت دی جائے۔ذرائع کے مطابق پی ٹی اے ممنوعہ فنڈنگ کیس میں فیصلہ وزات داخلہ اور ایف آئی اے کے اعلی حکام کی میٹنگ ہوئی، جس میں وزارت داخلہ نے ایف آئی اے کو سابق وزیراعظم عمران خان کیخلاف کیس درج کرنے کی اجازت دیدی۔تحقیقاتی ٹیم نے پی ٹی آئی کے 8 رہنماں کیخلاف ایف ائی آر درج کرنے کی سفارش کی اور کہا تھا کہ شواہد کی بنا پر چیئرمین کیخلاف ایف آئی آر درج کرنے کی اجازت دی جائے۔ذرائع کے مطابق تحقیقاتی ٹیم نے پی ٹی آئی رہنماں اسد عمر، اسد قیصر، قاسم سوری، عمران اسماعیل، سیف اللہ نیازی، طارق شفیع اور میاں محمود الرشید کیخلاف کیس درج کرنے کی سفارش کی۔ایف آئی اے ذرائع کے مطابق وزارت داخلہ سے اجازت ملنے پر آئندہ دو روز میں تحریک انصاف رہنماں کیخلاف ایف آئی آر درج ہونے کا امکان ہے۔ذرائع کے مطابق ان رہنماں پر جماعت کے 10 بے نامی اکانٹس چلانے کا الزام ہے، انہوں نے اکاؤنٹس میں 10 کروڑ سے زائد کی ترسیلات حاصل کیں۔