لاہور (آن لائن) شہر میں پٹرولیم مصنوعات کی قیمتوں میں کمی اور ڈالر کی انٹربینک میں آئے روز کمی کے باوجود لاہور کی ضلعی انتظامیہ اور پنجاب حکومت لاہور کے شہریوں کو سستی اشیاء خور و نوش فراہم کرنے میں ناکام ہو چکی ہے۔ شہر کی مارکیٹوں اور بازاروں میں جہاں آٹا غائب ہے تو وہاں سبزیوں اور پھلوں کی قیمتوں میں بھی اضافے کا رجحان مسلسل جاری ہے۔ ایک سروے کے مطابق لاہور کی مارکیٹوں اور بازاروں میں کوئی ایسی سبزی موجود نہیں جس کے فی کلو نرخ 100 روپے سے کم ہوں۔ اس صورتحال میں شہریوں نے وزیراعلیٰ پنجاب چودھری پرویز الٰہی کو صرف گجرات کا وزیراعلیٰ قرار دیا ہے۔