لاہور(آن لائن)پاکستان پیپلز پارٹی نے حالیہ دنوں میں اپنے سینئر رہنماو¿ں سے ہونے والے ناروا سلوک اور سابق وزیر اعظم یوسف رضا گیلانی ، امین فہیم،متعدد سابق وفاقی و صوبائی وزرا کی متوقع گرفتاری کے حوالے سے حکومت کے خلاف تحریک چلانے کا اشارہ دے دیا ہے جس میں دیگر اپوزیشن جماعتوں سے معاونت طلب کرنے کےلئے اپوزیشن جماعتوں کی نئی حکمت عملی کا اعلان4 ستمبر کو بلانے کا انکشاف ہوا ہے ۔پاکستان تحریک انصاف سے وابستہ سینئر عہدے دار نے یہ بھی انکشاف کیا ہے کہ حکومت کے خلاف تحریک کےلئے پیپلز پارٹی نے پنجاب میں”پی ٹی آئی “ سے رابطہ کیا ہے جس میں ن لیگ کے کرپٹ رہنماو¿ں، ہمدرد بیوروکریٹس کی نشاندہی کرکے ان کے خلاف بھی بھرپور ایکشن لینے کےلئے حکمت عملی اپنائی جائے گی۔