تونسہ (این این آئی)چیئرمین پاکستان تحریک انصاف اور سابق وزیراعظم عمران خان نے وزیراعلی پنجاب چوہدری پرویز الہی سے درخواست کی ہے کہ وہ تونسہ کو ڈسٹرکٹ بنانے کا اعلان کریں۔تونسہ میں سیلاب متاثرین سے خطاب کرتے ہوئے عمران خان نے کہاکہ نہروں کا سسٹم بری طرح متاثر ہوا ہے، وفاقی حکومت کو بھی مدد کرنی پڑے گی۔انہوں نے کہا کہ نہریں ڈوبنے سے کسان متاثر ہوئے ہیں، نہروں کا سسٹم بحال کیا جائے۔عمران خان نے کہا کہ رائٹ بینک کینال 20 سال سے بن رہی ہے، رائٹ بینک کینال کا مقصد ہے کوہ سلیمان کا پانی سمندر میں لے جائے۔

موضوعات:عمران خان