اسلام آباد(این این آئی)پاکستان تحریک انصاف عمران خان نے الیکشن کمیشن میں توہین کمیشن کیس میں اپنا تحریری جواب جمع کرا دیا جس میں الیکشن کمیشن کیدائرہ اختیار اور نوٹس کو چیلنج کیا گیا ہے۔تحریری جواب بیرسٹر گوہر اور فیصل چوہدری ایڈوکیٹ کی جانب سے جمع کرایا گیا،عمران خان نے تحریری جواب میں کہا کہ الیکشن کمیشن کا نوٹس آئین کے خلاف ہے جبکہ انہوں نے الیکشن کمیشن کی توہین نہیں کی۔تحریری جواب میں عمران خان نے اپنے بیانات میں الیکشن کمیشن کے کردار پر خدشات کا اظہار کیا، الیکشن کمیشن کے پاس توہین کے مقدمات سننے کا اختیار نہیں۔عمران خان نے کہا کہ سیکرٹری الیکشن کمیشن کو نوٹس بھجوانے کا اختیار نہیں۔ جبکہ انہوں نے اپنے جواب میں الیکشن کمیشن سے نوٹسز واپس لینے کی استدعا بھی کی۔