اسلام آباد (نیوز ڈیسک) دنیا جیسے جیسے ترقی کرتی جا رہی ہے ویسے ویسے اچھے اور برے قسم کے کاموں میں بھی لوگ اب ترقی پسند ہو گئے ہیں ،پہلے زمانے میںچور جب چوری کرتے تھے تو واردات کی جگہ اتنی خاموشی سے جاتے تھے کہ متاثرین کو اکثر اوقات کافی وقت کے بعد پتا لگتا تھا ۔ مگر برا ہو ہالی ووڈ کی کاﺅ بوائے ٹائپ کی فلموں کا ،جن سے کسی نے فائدہ اُٹھا یا ہو یا نہ ہو مگر ہماری چور برادری نے بھر پور فائدہ اُٹھایا ۔برازیل کے ایک بنک میں ایسا ہی ایک کام ایک دیدہ دلیر چور نے کیا ۔بجائے اس کے ،کے وہ خاموشی سے اے ٹی ایم کو اپنے اوزاروں سے کھولتا اس نے اے ٹی ایم مشین کو بم سے ہی اُڑا ڈالا اور سامان لے کر چلتا بنا ۔، مگر چور کو پڑ گے مور ،اس چور کی چوری کو بھی سی سی ٹی وی کیمرہ میں فلما لیا گیا جس کی بنا پر امید ہے کے یہ چور جلد پکڑ لیا جائے گا ۔ذرائع کے مطابق جون میں پانچ افراد پر مشتمل ایسا ہی ایک گروہ پولیس نے پکڑا تھا جو اے ٹی ایم کی وارداتوں میں ڈائنامائٹ استعمال کرتا تھا ،ان کے پاس سے 45 کلو گرام ڈائنامائٹ بھی ملا جسے 120 اے ٹی ایم مشینوں کی چوری میں استعمال کیا جانا تھا ،پولیس کے مطابق انہیں 6 ماہ سے اس گروہ کی تلاش تھی۔