ڈھاکہ (این این آئی)بنگلا دیش کے وکٹ کیپر بیٹر مشفق الرحیم نے ٹی ٹوئنٹی انٹرنیشنل کرکٹ سے ریٹائرمنٹ کا اعلان کر دیا۔مشفق الرحیم نے سوشل میڈیا پیغام میں ٹی ٹوئنٹی انٹرنیشنل کرکٹ سے ریٹائرمنٹ کا اعلان کرتے ہوئے بتایا کہ ‘میں اب ٹیسٹ اور ون ڈے فارمیٹ پر فوکس کروں گا ۔بنگلا دیشی کرکٹر نے کہا کہ میں ٹی ٹوئنٹی انٹرنیشنل سے ریٹائرمنٹ لے رہا ہوں تاہم جب بھی موقع ملا فرنچائز لیگ کے لیے دستیاب ہوں گا۔مشفق الرحیم نے کہا کہ دو فارمیٹ میں ملک کی فخر کے ساتھ نمائندگی کرنے کا منتظر ہوں۔واضح رہے کہ مشفق الرحیم نے 28 نومبر 2006 میں زمبابوے کے خلاف ٹی ٹوئنٹی میچز میں ڈیبیو کیا تھا، انہوں نے اپنا آخری ٹی ٹوئنٹی انٹرنیشنل ایک ستمبر 2022 کو ایشیا کپ میں سری لنکا کے خلاف کھیلا۔اپنے ٹی ٹوئنٹی کیرئیر میں مشفق نے 102 میچز کھیلے، کرکٹر نے ان میچز میں 1500 رنز کیے۔