دبئی (این این آئی)قومی ٹیم کرکٹ ٹیم کے کپتان بابر اعظم نے بھارت کے خلاف میچ میں شکست پر کہا ہے کہ بھارت کیخلاف شاہین آفریدی کی کمی محسوس ہوئی۔تفصیلات کے مطابق ایشیا کپ ٹی ٹوئنٹی ٹورنامنٹ کے گروپ میچ میں بھارت نے پاکستان کو سنسنی خیز مقابلے کے بعد آخری اوور میں 5 وکٹوں سے شکست دی۔پوسٹ میچ پریزنٹیشن میں بات کرتے ہوئے پاکستان کرکٹ ٹیم کے کپتان بابر اعظم نے کہا کہ ہم نے 10 سے 15 رنز کم بنائے۔انہوںنے کہاکہ فاسٹ بولرز نے میچ کو دلچسپ بنایا،نسیم شاہ نے جو جوش دکھایا، وہ شاندار ہے البتہ شاہین آفریدی کی کمی محسوس ہوئی۔