کراچی(این این آئی)پیپلز پارٹی کی رہنما اور وفاقی وزیر ماحولیات شیری رحمن نے سندھ میں کلاوڈ برسٹ کی غلط ویڈیو شیئر کر دی۔

سماجی رابطے کی ویب سائٹ ٹوئٹر پر شیری رحمن کی جانب سے کلاڈ برسٹ کی ویڈیو شیئر کرتے ہوئے کہا گیا کہ 19 اگست کو سندھ کے شہر جامشورو میں کلاڈ برسٹ ہوا۔سوشل میڈیا صارفین کی جانب سے شیری رحمن کی ویڈیو جیسی ایک اور ویڈیو شیئر کرتے ہوئے کہا گیا ہے کہ یہ ویڈیو 2 ہفتے پہلے غیر ملکی فوٹو گرافی پیج پر شیئر کی گئی تھی۔وفاقی وزیر کی جانب سے شیئر کی گئی ویڈیو میں گھنے بادلوں کو بارش برساتے ہوئے دیکھا جا سکتا ہے۔شیری رحمن نے اپنی پوسٹ میں لکھا تھا کہا کہ 19 اگست کو سندھ میں ایک دن میں سب سے زیادہ 355 ملی میٹر بارش ریکارڈ کی گئی، جس نے 31 اگست 2011 میں ہونے والی 238 ملی میٹر بارش کا ریکارڈ توڑ دیا۔انہوں نے کہا کہ سندھ کے مختلف علاقوں میں 3 دن تک نہ رکنے والی بارش ہوئی اور جامشورو میں طوفانی بادل برسے۔