احمد آباد(نیوز ڈیسک) ہندوستان کی مغربی ریاست احمد آباد میں حکومت سے سہولتوں کا مطالبہ کرنے پر پاٹیداروں یا ’پٹیل برادری‘ سے تعلق رکھنے والے مظاہرین اور پولیس کے درمیان جھڑپیں ہوئیں۔خبر رساں ادارے ایسوسی ایٹڈ پریس (اے پی) کے مطابق پٹیل برادری کے رہنما کی جانب سے ہڑتال کے اعلان کے بعد حالات پر قابو پانے کے لیے انتظامیہ نے بدھ کے روز پیرا ملٹری فورسز کو طلب کرلیا۔مظاہرین کی جانب سے پولیس پر پتھراو¿ اور لاٹھیوں سے حملوں، سرکاری اور نجی گاڑیوں کو جلائے جانے کے بعد انتظامیہ نے گزشتہ رات گجرات کے کم سے کم 5 شہروں میں کرفیو کا اعلان کردیا تھا۔قانون نافذ کرنے والے اداروں کے خلاف کسی بھی منظم کارروائی کو روکنے کے لیے ریاست کے اہم شہر احمد آباد میں موبائل فون سروس بھی بند کردی گئی ہے۔پولیس کا کہنا ہے کہ واقعے میں کسی بھی جانی نقصان کی اطلاع نہیں ہے۔واضح رہے کہ پاٹیدار یا پٹیل کمیونٹی کے نام سے معروف برادری کی جانب سے حکومت سے مطالبہ کیا جارہا ہے کہ ہندوستان میں دیگر اقلیتوں کی طرح ان کو بھی خصوصی حیثیت دی جائے اور انھیں سرکاری نوکریوں اور اسکول کے مقامات میں مناسب حصہ دینے کی بھی یقین دہانی کروائی جائے۔ہندوستان کی یہ اقلیت کھیتی باری کے شعبے سے منسلک ہے جن کا کہنا ہے کہ موسمی زراعت کی وجہ سے انھیں بنیادی سہولیات کے حصول میں مشکلات کا سامنا ہے جس کی وجہ ہندوستان میں زراعت کے شبعے میں موجود بے چینی ہے۔