دبئی (این این آئی )ایک ننھی بچی کی کراٹے کے ماہر کو پٹخنے کی ویڈیو خوب وائرل ہو رہی ہے۔ویڈیو میں دیکھا جاسکتا ہے کہ ایک بچی کراٹے ماسٹر کے پاس تربیت کے لیے آئی ہے اور اس دوران بچی اور ٹرینر کے درمیان ایک انتہائی دلچسپ مقابلہ بھی ہوتا ہے۔سوشل میڈیا پر وائرل ویڈیو میں دیکھا جا سکتا ہے کہ بچی اپنے ٹرینر کو داو لگا رہی ہے اور آخر میں ٹرینر زمین پر ہاتھ مار کر ہار بھی مان رہا ہے۔وائرل ویڈیو کو اب تک 1.4 ملین سے زیادہ افراد دیکھ چکے ہیں، سوشل میڈیا صارفین اس ویڈیو کو بچی کی معصومیت سے بھی جوڑ رہے ہیں جبکہ ٹرینر کو بھی خوب سراہ رہے ہیں۔