انسانیت کی اعلیٰ مثال قائم،بھارتی کشتی ڈوبنے کی اطلاع پر پاک بحریہ کی کارروائی، 9 افراد کو زندہ بچا لیا

کراچی (این این آئی)پاک بحریہ نے کھلے سمندر میں ڈوبنے والی بھارتی کشتی جمنا ساغر میں سوار دس میں سے 9افراد

کو بروقت ریسکیو کرتے ہوئے زندہ بچالیا جبکہ ایک ماہی گیر ڈوب گیا جس کی لاش نکال لی گئی ہے۔

تفصیلات کے مطابق پاک بحریہ نے کھلے سمندر میں ڈوبنے والی بھارتی کشتی کی اطلاع ملتے ہی بر وقت ریسکیو آپریشن کا آغاز کیا۔

ریسکیو آپریشن کے دوران بھارتی کشتی جمنا ساغر میں سوار 10میں سے 9افراد کو زندہ بچا لیا گیا جب کہ

ایک بھارتی شہری کی لاش بھی نکال لی گئی۔ترجمان پاک بحریہ کے مطابق ریسکیو آپریشن بحری جہاز ایم ٹی کریوبیک کے ذریعے سر انجام دیا گیا۔

ترجمان پاک بحریہ کا کہنا ہے کہ سرچ اینڈ ریسکیو آپریشن سمندر میں انسانی زندگی کے تحفظ کے عزم کا مظہر ہے۔