وزیراعلیٰ پنجاب چودھری پرویز الٰہی نے فوج کے خلاف بات کرنے والوں کو پاکستان اور اسلام دشمن ڈیکلیئر کرنے کا مطالبہ کر دیا

لاہور(این این آئی)وزیر اعلی پنجاب چودھری پرویز الہی نے کہاہے کہ افواج پاکستان سرحدوں کی حفاظت کی ضامن ہے

اور ہمارا فخر ہے،فوج کے خلاف پراپیگنڈا ملک دشمن ہی کر سکتا ہے،جو کوئی بھی فوج کے خلاف بات کرتا ہے،

اس کو ڈکلیئر کیا جائے کہ وہ پاکستان اور دین اسلام کا دشمن ہے-انہوں نے کہاکہ کسی بھی شکل میں افواج پاکستان

کے خلاف بات نہیں کر سکتے،(ن) لیگ والے غلط اور بے بنیاد پراپیگنڈا کر رہے ہیں -عمران خان، تحریک انصاف،

ہم افواج پاکستان کے ساتھ ہیں -انہوں نے کہاکہ کسی کو بھی فوج کا نام بدنام کرکے سیاسی مقاصد حاصل کرنے نہیں دیں گے-

ن لیگ کے میڈیا سیل سے جھوٹا پراپیگنڈا کیا جا رہا ہے۔ چودھری پرویز الٰہی نے فوج کے خلاف بات کرنے والوں کو پاکستان اور اسلام دشمن ڈیکلیئر کرنے کا مطالبہ کر دیا ہے۔