ضلع نارووال کے طویل القامت نوجوان کی علاج کیلئے حکومت سے مالی تعاون کی اپیل

نارووال (این این آئی)ضلع نارووال کے طویل القامت نوجوان نے اپنے علاج کے لیے حکومت سے مالی تعاون کی اپیل کر دی،

شکر گڑھ سے تعلق رکھنے والا انیس سالہ نوجوان اشفاق جس کا قد ساڑھے سات فٹ ہے۔اشفاق طویل قد کی وجہ سے

گھٹنوں کے امراض میں مبتلا ہو چکا ہے اور اسے چلنے پھرنے میں دشواری پیش آ رہی ہے۔اشفاق نے اپنے علاج کے لیے

مخیر حضرات اور حکومت سے مالی امداد کی اپیل کی ہے، اشفاق کا کہنا ہے میرے علاج کا ایک ماہ کا خرچہ بیس ہزار روپے

سے زائد ہے جو کہ میں غربت کی وجہ سے برداشت نہیں کر سکتا اور مجھے علاج کے لیے دربدر ہونا پڑتا ہے۔

میرے ساتھ ابھی تک مقامی انتظامیہ سمیت کسی نے رابطہ نہیں کیا۔میری مخیر حضرات اور حکومت سے اپیل ہے کہ میری مالی مدد کی جائے تاکہ میں اپنا باقاعدہ علاج کرا سکوں۔