میٹرو بس اور اورنج لائن ٹرین کے کرایوں میں اضافے کا امکان

لاہور(این این آئی) میٹرو بس اور اورنج لائن ٹرین کے کرایوں میں اضافے کی تجویز پیش کی گئی ہے

جس کے بعد ماس ٹرانزٹ اتھارٹی نے سمری وزیراعلی پنجا ب کو ارسال کردی ہے۔ذرائع کے مطابق

میٹرو بس کا چار کلو میٹر کا کرایہ 20 روپے کرنے کی تجویز دی گئی ہے،اورنج لائن ٹرین کا کرایہ بھی علی ٹاؤن

سے ڈیرہ گجراں تک 60 روپے کرنے کی تجویز پیش کی گئی ہے۔ذرائع نے بتایا ہے کہ پیش کردہ تجویز کے تحت

سٹاپ ٹو سٹاپ کرایہ 20 سے 25 روپے مقرر کرنے کی تجویز دی گئی ہے۔ واضح رہے کہ موجودہ اورنج لائن ٹرین

کا مکمل روٹ کا کرایہ 40 روپے ہے۔کرائے میں اضافے کی حتمی منظوری کابینہ اجلاس میں دی جائے گی، اورنج لائن کے اخراجات بڑھنے پر کرائے میں اضافے کی تجویز پیش کی گئی ہے

موضوعات:میٹرو بس اور اورنج لائن ٹرین