پی ڈی ایم اور حکومتی اتحاد کا اجلاس ملتوی
اسلام آباد(این این آئی)پی ڈی ایم اور حکومتی اتحاد کا ہفتہ کو ہونے والا اجلاس ایک بار پھر ملتوی کردیا گیا ہے۔
ذرائع کے مطابق پاکستان ڈیموکریٹک موومنٹ اور حکومتی اتحادیوں کا ہفتہ کو طلب کیا جانے والے اجلاس ملتوی کردیا گیا ہے۔
ذرائع نے دعویٰ کیا ہے کہ اجلاس سیاسی رہنماؤں کی عدم دستیابی کے باعث ملتوی کیا گیا، اب یہ اجلاس عاشورہ کے بعد ہوگا۔
اجلاس سیاسی صورتحال سمیت پی ڈی ایم کو وفاقی کابینہ کے فیصلوں سے آگاہ کیا جانا تھا جبکہ آئندہ کی حکمت عملی بھی زیرغور آنی تھی۔
اجلاس میں سابق وزیراعظم نواز شریف اور سابق وزیر خزانہ اسحٰق ڈار کو بھی لندن سے بذریعہ ویڈیو لنک شریک ہونا تھا۔
