لاہور(این این آئی)مسلم لیگ (ن)کے رہنما نذیر چوہان کو ایک اور مقدمے میں نامزد کردیا گیا، عدالت نے 4 روزہ جسمانی ریمانڈ بھی منظور کرلیا۔پراسیکیوٹر نے عدالت میں کہا کہ نذیر چوہان کے خلاف عادل گجر کو زخمی کرنے کا الزام ہے۔عادل گجر نے پولیس کو دئیے گئے بیان میں نذیر چوہان کو ملزم نامزد کیا تھا۔پراسیکیوٹر نے کہا کہ نذیر چوہان سے اقدام قتل کے مقدمہ میں تفتیش کرنا باقی ہے۔جوڈیشل مجسٹریٹ اسحاق جاوید نے جوہر ٹاؤن پولیس کو تفتیش مکمل کرکے 8 اگست کو نذیر چوہان کو دوبارہ پیش کرنے کا حکم دے دیا۔یاد رہے کہ انسداد دہشتگردی عدالت نے گزشتہ روز نذیر چوہان سمیت آٹھ ملزمان کی پولیس پر فائرنگ اور کار سرکار میں مداخلت کے مقدمے میں ضمانت منظور کی تھی۔

موضوعات:نذیر چوہان