لاہور، اسلام آباد (آن لائن، این این آئی) لاہور ہائیکورٹ نے وکلاء برادری کو ایک بڑا ریلیف دیتے ہوئے وکلاء کے دفاتر کے بجلی کے بلوں میں سیلز ٹیکس معاف کردیا ہے۔
عدالت عالیہ نے 3 صفحات پر مشتمل اپنے تحریری فیصلے میں وکلاء کے دفاتر کے بجلی کے بلوں میں شامل کئے گئے سیلز ٹیکس ختم کرنے کا حکم جاری کیا ہے اور وکلاء برادری کو متعلقہ محکمہ سے رجوع کرنے کی ہدایات جاری کی ہیں۔ دوسری جانب اسلام آباد کی سیشن کورٹس میں یکم سے 31 اگست تک سالانہ چھٹیوں کا سرکلر جاری کر دیا گیا ،اسلام آباد ہائی کورٹ کے قائم مقام چیف جسٹس عامرفاروق کی منظور سے سرکلر جاری ہوا ،سیشن کورٹ ایسٹ اور ویسٹ میں یکم سے 31 اگست تک چھٹیاں ہوں گی۔ سرکلر کے مطابق چھٹیوں کے دوران ارجنٹ کیسز پر سماعت کے لیے مناسب انتظام کیا جائے تعطیلات کے دوران نیشنل جوڈیشل پالیسی کے تحت پرانے کیسز پر بھی سماعت کا انتظام کریں۔
