راولپنڈی (این این آئی)راولپنڈی میں ہسپتال سے اغواکیا گیا 3 ماہ کا بچہ بازیاب کر کے 2 ملزمان کو گرفتار کر لیا گیا۔ترجمان راولپنڈی پولیس کے مطابق بچے کو گزشتہ روز بینظیر بھٹو ہسپتال سے اغوا کیا گیا تھا۔والدین کی جانب سے درج شکایت کے بعد سی پی او شہزاد ندیم بخاری کی جانب سے کارروائی عمل میں لائی گئی جس کے نتیجے میں بچہ اغوا کاروں سے بازیاب کرواکر والدین کے حوالے کر دیا گیا۔پولیس ترجمان کے مطابق بچے کو اغوا کرنے والی ملزمہ اور ساتھی کو گرفتار کر کے مزید قانونی کارروائی کی جا رہی ہے۔