اسلام آباد(این این آئی) پنجاب میں جیت کے بعد تحریک انصاف نے حکومتی اتحادیوں سے رابطے کئے ہیں جس میں مذاکرات پر اتفاق ہوگیا ہے ۔تفصیلات کے مطابق حکومتی اتحادیوں کے حکومت چھوڑنے کیلئے تحریک انصاف نے رابطوں کا آغاز کر دیا ہے۔ذرائع کے مطابق تحریک انصاف نے بی این پی، بی اے پی اور جماعت اسلامی سے رابطہ کیا ہے ،تحریک انصاف کے ایک رہنماء کا کہنا ہے کہ رواں ہفتے تینوں جماعتوں کے رہنمائوں سے ملاقاتوں کا امکان ہے، فون پر رابطوں میں مذاکرات پر اتفاق ہوگیا ہے۔ذرائع کے مطابق عمران خان نے گزشتہ ہفتے پرویز خٹک کی سربراہی میں کمیٹی بنائی تھی جس میں اسد قیصر،فواد چوہدری اور اسد عمر شامل ہیں۔