اسلام آباد(نیوزڈیسک) الیکشن کمیشن نے قومی اسمبلی کے حلقہ این اے 19 ہری پور کے ضمنی انتخابات میں بائیو میٹرک سسٹم کا استعمال سے متعلق جاری رپورٹ کے مطابق 30 پولنگ اسٹیشنز پر 60 بائیو میٹرک مشینیں استعمال کی گئیں 37 ہزار 924 میں سے 15 ہزار 723 افراد نے بائیو میٹرک سسٹم کے زریعے ووٹ کا استعمال کیا ۔ بائیو میٹرک سسٹم 54 فیصد ووٹرزکے انگوٹھوں کے نشان پڑھنے میں ناکام رہا اور بائیو میٹرک سسٹم صرف 46 فیصد ووٹرز کے انگوٹھوں کے نشان پڑھ سکا۔ رپورٹ میں مزید کہا گیا ہے کہ انگوٹھوں کے نشانات کی تصدیق نہ ہونے کی بڑی وجہ نادرا کے سسٹم میں ریکارڈ کا موجود نہ ہونا ہے کئی شناختی کارڈ نادرا کے سسٹم میں بلاک ہو چکے تھے اور کئی ووٹرز کے انگوٹھوں کے نشانات مدہم تھے۔ الیکشن کمیشن نے آئندہ انتخابات میں بھی بائیو میٹرک کا آزمائشی منصوبہ جاری رکھنے کا فیصلہ کیا ہے