اسلام آباد (آن لائن) پاکستان پیپلز پارٹی کے مرکزی رہنما سینیٹر مصطفی نوازکھوکھر نے کہا ہے کہ پہلے دن سے ہی موقف تھا کہ حکومت کرنے کی بجائے فوراً الیکشن کرا دینے چاہئے ۔
ضمنی الیکشنز سے واضح ہو گیا کہ اتحادی حکومت عوام کی تائید کھو چکی ہے ، سینیٹر مصطفی نواز کھوکھر نے اپنے بیان میں کہا کہ
آئی ایم ایف سے ڈیل ایک فریش مینڈیٹ کے ساتھ آنے والی حکومت کو ہی کرنی چاہئے مشکل فیصلے وہ حکومت کرے جس کے پاس پانچ سال کا مینڈیٹ ہو انہوں نے کہا کہ ہو نہیں سکتا کہ
مہنگائی آسمانوں سے باتیں کر رہی ہو اور عوام ہمارے گلوں میں پھولوں کے ہار ڈالیں سیاسی جماعتیں ابھی تک ذہنی طور پر نوے کی د?ائی میں پھنسی ہوئی ہیں
آبادی میں نوجوانوں کا تناسب، کرپشن گا تدارک، اینٹی اسٹیبلشمنٹ بیانیہ دور حاضر کی سیاست کے لازمی جزو ہیں ضمنی انتخابات کے نتائج کے بعد
سیاسی استحکام میں مزید کمی آئے گی اور حکومت کرنا مشکل ہوتا چلا جائے گا ملک اور معیشت کو استحکام کی ضرورت ہے جو صرف جنرل الیکشنز کے ذریعے ہی ممکن ہے۔
