لاہور(این این آئی)پاکستان تحریک انصاف اور مسلم لیگ (ق) کے وزیر اعلیٰ کے انتخاب کے پیش نظر اپنے ارکان اسمبلی کو ملک سے باہر جانے سے روک دیا ہے۔گزشتہ روز پنجاب میں ہونے والے ضمنی الیکشن میں کامیابی کے بعد پاکستان تحریک انصاف اور (ق)لیگ نے اپنے ارکان پنجاب اسمبلی کو باہر جانے سے روک دیا ہے۔ذرائع کا کہنا ہے کہ پی ٹی آئی اور (ق)لیگ کی قیادت نے ہدایت کی ہے کہ تمام ارکان اسمبلی 21 جولائی تک لاہور پہنچ جائیں اور 22 جولائی کو نئے وزیراعلی کے انتخاب کیلئے ہونے والے پنجاب اسمبلی کے اجلاس میں شرکت یقینی بنائیں۔