محکمہ داخلہ کی پابندی کے باوجود تحریک انصاف کے رہنما مقبول گجر لاہور پہنچ گئے
لاہور( این این آئی)محکمہ داخلہ پنجاب کی پابندی کے باوجود تحریک انصاف کے رہنما اور آزاد کشمیر اسمبلی کے ممبر مقبول گجر لاہور پہنچ گئے۔
اطلاع ملتے ہی پولیس مقبول گجر کو حراست میں لینے کے لیے موقع پر پہنچی اور ان سے حکومتی آرڈر پر دستخط کرائے۔
اس موقع پر مقبول گجر اور ایس ایچ او عاطف کے درمیان تکرار بھی ہوئی۔پولیس نے موقف اپنایا کہ آپ ہمارے ساتھ تھانے چلیں
باقی وہاں بات کرتے ہیں۔مقبول گجر نے کہاکہ میں آزاد کشمیر کا وزیر ہوں، مجھے نہیں روکا جاسکتا، جس کے بعد وہ چکمہ دے کر
دوسری گاڑی میں بیٹھ کر فرار ہو گئے۔ پولیس کے مطابق مقبول گجر کی گرفتاری کیلئے چھاپے مارے جارہے ہیں۔
واضح رہے کہ ضمنی انتخاب میں امن امان یقینی بنانے کے لیے محکمہ داخلہ پنجاب نے علی امین گنڈا پور اور مقبول گجر کے صوبے میں داخلے پر پابندی عائد کی تھی۔
