اسلام آباد (آن لائن)میڈیا کی آزادی کی باتیں کرنے والے عمران خان اسی تقریب کے بعد صحافی کے سوال سے گھبرا گئے، ان کے سیکورٹی گارڈ نے صحافی کا موبائل فون توڑ دیا۔سوشل میڈیا پر چلنے والی وڈیو کے مطابق میڈیا کی آزادی کے حوالے سے سینمار سے خطاب کے بعد ایک صحافی عمران خان سے سوال کرنا چاہ رہا تھااور وہ صحافی سوال پوچھنے کے لئے موبائل فون نکالے کھڑا تھا کہ ایک داڑھی والا شخص تیزی سے آگے آیا اور ایک گارڈ کے ہمراہ موبائل فون چھین کر زمین پر دے مارا۔اس دوران عمران خان تیزی سے آگے نکل گئے۔