بابر اعظم کے پیغام پر عرفان پٹھان بھی میدان میں آگئے
نئی دہلی (این این آئی)پاکستان کرکٹ ٹیم کے کپتان بابر اعظم کے بھارتی ٹیم کے سابق کپتان ویرات کوہلی کیلئے پیغام کے بعد سابق بھارتی کھلاڑی عرفان پٹھان بھی میدان میں آگئے۔
سماجی رابطے کی سائٹ ٹوئٹر پر جاری اپنے پیغام میں عرفان پٹھان نے کہا کہ ویرات کوہلی کے حق میں پیغام پر آپ کو یاد رکھا جائے گا۔
واضح رہے کہ ان دنوں ویرات کوہلی آئوٹ فارم ہیں جس وجہ سے ان پر تنقید کی جارہی ہے اور انہیں دورہ ویسٹ انڈیز کے لیے بھارتی ٹیم میں شامل نہیں کیا گیا ہے۔
گزشتہ روز بابر اعظم نے سماجی رابطے کی ویب سائٹ ٹوئٹر پر ویرات کوہلی کے لیے لکھا تھا کہ یہ وقت بھی گزر جائے گا، مضبوط رہیں۔
